ຂ່າວທົ່ວໄປ

ສຸດຍອດ ! ສາດສະດາຈານ ຈາກ ສປປ ລາວ

👏 ສຸດຍອດ ! ສາດສະດາຈານ ຈາກ ສປປ ລາວ ສຈ ປອ ດຣ ມາຍຟອງ ມາຍຊາຍ

ຮອງອະທິການບໍດີ ມະຫາວິທະຍາໄລ ວິທະຍາສາດ ສຸຂະພາບ ກາຍເປັນ 1 ໃນ 12 ນັກຄົ້ນຄວ້າ ຈາກ ອາຊີ ກວດລາງວັນ ຈາກງານ Asia Innovation Awards ທີ່ຢູ່ໃນກຸ່ມລາງວັນຂອງ Hitachi Global Foundation Asia Innovation Award 2020.

ຂະແຫນ່ງລາງວັນທີ່ໄດ້ຮັບ ແມ່ນຈາກສາຂາ ສຸຂະພາບ ໂດຍຫົວຂໍ້ບົດວິໄຈ ແມ່ນ: “Research of Mass Drug Administration with “Dihydroartemisinin-piperaquine (DP) + primaquine (PQ) for Malaria Elimination”

ຊຶ່ງແມ່ນການສຶກສາຮ່ວມ ລະຫວ່າງ Lao-Oxford-Mahosot Hospital-Wellcome Trust Research Unit or LOMWRU ຢູ່ໂຮງໝໍມະໂຫສົດ ແລະ the Mahidol-Oxford Research Unit.

ທ່ານກ່າວ ໃຫ້ສໍາພາດ ກັບໜັງສືພິມວຽງຈັນທາຍວ່າ ຜົນງານການວິໄຈນີ້ ຈະປະກອບສ່ວນ ບັນລຸເປົ້າໝາຍການພັດທະນາແບບຍືນຍົງ SDG ລວມມີ ການຫຼຸດພົ້ນ ຈາກຄວາມທຸກຍາກ ຫິວໂຫຍ, ປັບປຸງສຸຂະພາບ ແລະ ການດໍາລົງຊີວິດ, ແລະ ຮັບປະກັນ ການສຶກສາທີ່ມີຄຸນນະພາບ.

ຈາກຜົນການສຶກສາຄົ້ນຄວ້າ, ພວກເຮົາຈະສາມາດ ກໍາຈັດ ໄຂ້ມາຣາເລຍ ໃຫ້ຫມົດໄປ ຈາກ ສປປ ລາວ, ຈາກອາຊຽນ ແລະ ໃນຂົງເຂດອື່ນໆ ພາຍໃນປີ 2030.

ໃນແຕ່ລະປີ ໄຂ້ມາຣາເລຍ ມີຜົນກະທົບຕໍ່ຄົນ ປະມານ 200 ລ້ານຄົນ ແລະ ມີຜູ້ເສຍຊີວິດ ຈາກໄຂ້ ມາຣາເລຍ ປະມານ 400.000 ຄົນຕໍ່ປີ ໃນທົ່ວໂລກ.

Related Articles

Leave a Reply

Your email address will not be published. Required fields are marked *