ຂ່າວທົ່ວໄປ

ໂຮງໝໍແຂວງສາລະວັນ ສາມາດຮອງຮັບໄດ້ 100 ກວ່າຕຽງ ຫາກມີກໍລະນີຜູ້ຕິດເຊື້ອວິດ-19

ໂຮງໝໍແຂວງສາລະວັນ ສາມາດຮອງຮັບໄດ້
100 ກວ່າຕຽງ ຫາກມີກໍລະນີຜູ້ຕິດເຊື້ອວິດ-19

ຂປລ. ຕາມການລາຍງານຈາກ ທ່ານ ດຣ ວັນທອງ ບຸນວິໄລ ຜູ້ອຳນວຍການໂຮງໝໍແຂວງສາລະວັນ ໃນໂອກາດທີ່ ທ່ານ ສົມໃຈ ອຸ່ນຈິດ ຮອງເຈົ້າແຂວງສາລະວັນ ປະທານຄະນະກຳມະການ ແລະ ຄອບຄຸ້ມພະຍາດຕິດຕໍ່ຂັ້ນແຂວງ ລົງໄປຢ້ຽມຢາມພົບປະພະນັກງານແພດໝໍຢູ່ໂຮງໝໍແຂວງສາລະວັນ ໃນວັນທີ 20 ເມສາ 2021 ນີ້ວ່າ:

ປັດຈຸບັນນີ້ໂຮງໝໍແຂວງສາລະວັນ ຈະສາມາດຮອງຮັບກໍລະນີຫາກມີຜູ້ຕິດເຊື້ອພະຍາດໂຄວິດ-19 ທັງໝົດ 100 ກວ່າຕຽງ, ມີຫ້ອງໄອຊີຢູ 16 ຫ້ອງ, ຫ້ອງນອນລວມ 82 ຫ້ອງ, ຫ້ອງແຍກປ່ຽວມີ 13 ຫ້ອງ, ມີອຸປະກອນການເພດ ເພື່ອຮັບໃຊ້ເຂົ້າໃນການປິ່ນປົວຄົນເຈັບປະກອບມີເຄື່ອງຫາຍໃຈທຽມ 5 ເຄື່ອງ, ບັ້ງອົກຊີ 90 ກວ່າບັ້ງ, ຫົວອົກຊີ 50 ກວ່າຫົວ, ມີຊຸດປ້ອງກັນເພດ PPE 70 ກວ່າຊຸດ ແລະ ມີການຈັດແບ່ງທິມງານເພດໝໍເຟົ້າລະວັງ ແລະະພາຫານະຮັບໄຊ້ຕະຫຼອດ 24 ຊົວໂມງ.

ປັດຈຸບັນ ຢູ່ແຂວງສາລະວັນ ມີຜູ້ຕິດໂຄວິດ-19 ແລ້ວ 1 ຄົນ ຢູ່ບ້ານນາເຕີຍ ເມືອງຄົງເຊໂດນ ຜູ້ກ່ຽວກຳລັງນອນປິນປົວຢູ່ໂຮງໝໍແຂວງສາລະວັນ.

ໂອກາດດຽວກັນ, ທ່ານ ສົມໃຈ ອຸ່ນຈິດ ກໍໄດ້ມີຄຳເຫັນໂອ້ລົມ ແລະ ເນັ້ນບາງບັນ ຫາທີ່ສຳຄັນຕໍ່ທີມງານເພດໝໍ ຈົ່ງພ້ອມກັນຈັດຕັ້ງປະຕິບັດຕາມໜ້າທີ່ຂອງຕົນທີ່ການຈັດຕັ້ງມອບໝາຍໃຫ້ ໂດຍສະເພາະ ແມ່ນສຸມໃສ່ກຽມຮັບມືທີ່ອາດຈະມີການລະບາດຂອງພະຍາດໂຄວິດ 19 ໃຫ້ຖ່ວງທັນກັບສະພາບການ ແລະ ຮັບປະກັນຄວາມປອດໄພສູງ.
ພາບ-ຂ່າວ: ສິດຕາ ເພັດວົງສາ

Related Articles

Leave a Reply

Your email address will not be published.

error: Alert: Content is protected !!